Liðið sum Mikkjal K. Thomassen er høvuðsvenjari hjá, AIK Stockholm spældi í dag venjingardyst móti einum øðrum liði, ið hevur heimstað í svenska høvuðsstaðarøkinum.
Brommapojkarna søktu AIK 3-0 á heimavølli á Grimsta Idrottsplats.
AIK fekk eina ræðuliga byrjan, og aftaná bert átta minuttir var heimaliðið á odda 2-0. Brommapojkarna øktu til 3-0 seks minuttir undan steðginum. Í seinna hálvleiki megnaði AIK at steðga bløðingini.
Undan hesum venjingardystinum hevur AIK í januar vunnið 1-0 á norska liðnum, Molde FK, og hevur tapt 0-2 fyri kekkiska liðnum, Viktoria Plzen.
Komandi leygardag klokkan 12 spælir AIK venjingardyst móti danska superligaliðnum, AGF. 10. februar spælir AIK venjingardyst móti KFUM Oslo, ið spælir í bestu norsku deildini.
AIK spælir fyrsta kappingardystin í bólkaspælinum í svensku steypakappingini 14. februar. Tá hevur AIK heimadyst móti Degerfors.
##med2##
