Heri Hjalt Mohr og liðfelagarnir í Strømmen IF í triðbestu norsku fótbóltsdeildini eru einsamalt oddalið í øðrum bólkinum við fullum stigatali, níggju stig aftaná tríggjar dystir.
Í dag vann Strømmen 4-2 á eykaliðnum hjá Vålerenga. Longu aftaná 39 minuttirs spæl vóru fimm mál skotin. Tá var Strømmen á odda 3-2. Tíðliga í seinna hálvleiki økti Strømmen til 4-2.
Heri kom á vøllin tá eitt lítið korter var eftir av dystinum.
Heri hevur fingið spælitíð í trimum teimum fyrstu dystunum, men tað hevur ikki verið av tí mesta enn.
Komandi mikukvøld klokkan 18.05 tekur Strømmen móti Lillestrøm úr bestu deildini í øðrum umfarinum í norsku steypakappingini.
Og longu komandi leygardag er aftur dystur í triðbestu deildini. Hesaferð á heimavølli móti Kjelsås.
