Útreiðslurnar til lestrarstuðul skulu tálmast, og tí æltar landsstýrið at umleggja ÚSUN-skipanina, so ein partur av studninginum verður lagdur um til lán.
Nú landsstýrið hevur lagt fíggjarkarmarnar fram, liggur í kortunum, at hetta lán skal rindast aftur, um so er, at tey lesandi eftir eitt áramál ikki koma heimaftur at búgva.
Sambært landsstýrið er ætlanin, at broytti útbúgvingarpolitikkurin skal eggja lesandi uttanlands til at flyta heimaftur eftir loknan lestur.
Broytta skipanin skal koma í gildi á sumri næsta ár, og sparingin í 2014 skal vera ein hálv millión krónur, í 2015 ein millión, í 2016 tvær milliónir og síðani hálvtriðja millión krónur um árið.
Bjørn Kalsø, landsstýrismaður í mentamálum, greiðir í ljóðbrotinum niðanfyri frá, hvussu broytingin verður framd:
