Sunnukvøldið kl. 20 spælir Lena Anderssen á Norðuratlantsbryggjuni í Keypmannahavn Mánadagin 30. apríl gav Lena Anderssen út nýggja fløgu, sum kallast ?Let Your Scars Dance?. Hetta er triðja fløgan, sum Lena hevur givið út.
Í samband við nýggju fløguna hevur Lena eisini skrivað eitt slag av føroyskari tónleikasøgu, tí hon er nevniliga fyrsti føroyski artisturin, sum hevur innspælt í heimsins kendasta studio, Abbey Road í London. Og tað var sjálvsat í Studio 2, har The Beatles innspældu meginpartin av teirra tilfari í 60´ununm.
Sunnudagin gongur leiðin hjá Lena so til Danmarkar og Keypmannahavnar, har hon skal spæla á Norðuratlantsbryggjuni sunnukvøldið. Her fer hon á pall saman við Niclas Johannesen, og her verður helst møguleiki at hoyra løg av nýggju fløguni. Atgongumerki kostar 75 kr. í forsølu, meðan tað kostar 85 við dyrnar.
