Vilhelm Poulsen og liðfelagarnir í Lemvig-Thyborøn ferðaðust úr Vestur-Jútlandi til Sælands fyri at spæla dyst móti Ringsted í bestu donsku hondbóltsdeildini.
Ringsted vann dystin 28-26. Í steðginum var støðan javnleikur 11-11.
Lemvig-Thyborøn hevur bert fingið eitt stig seinastu fimm dystirnar.
Tað byrjar at síggjast aftur á stigatalvuni. Lemvig-Thyborøn er næstaftast í deildini við seks stigum fyri 10 dystir.
Vilhelm skoraði tvey mál í dystinum.
Komandi leygardag hava Vilhelm og liðfelagarnir møtumikla uppgávu á heimavølli, tá toppliðið, GOG kemur á vitjan.
