Leivur og Odder taptu annan dystin á rað

Eitt føroyingalið var í leiki í næstbestu donsku hondbóltsdeildini í dag.

Leivur Mortensen og liðfelagarnir í Odder vitjaðu Grindsted á útivølli og vóru fyri greiðum 21-29 tapi. Í steðginum var Grindsted á odda 13-10.

Talan var um annað tapið á rað hjá Odder sum hevur 16 stig, og hevur bert trý stig niður til Roskilde sum er triðaftast í deildini við 13 stigum. 

Trý tey niðastu liðini flyta beinleiðis niður í triðbestu deildina. Fjórðaftasta og fimtaftasta liðið spælir upp- og niðurflytingardystir móti einum liði úr triðbestu deildini.

Komandi fríggjakvøld verður føroyingauppgerð í Odder, tá Ajax við Brandi Halgirssyni á liðnum vitjar Leiv Mortensen og liðfelagarnar í Odder.