Løgreglan eftirlýsir ein mann, sum er horvin í Havn og sum ikki er sæddur síðani í gjárkvøldið.
Talan er um 40 ára gamla Jon Kárá Poulsen, sum fór av Landssjúkrahúsinum, har hann er sjúklingur, klokkan 20 í gjárkvøldið og síðani hevur ongin sæð hann.
Jón Kári Poulsen er 170 cm høgur og klænvaksin. Hann hevur myrkt, stutt og frisut hár og hann er órakaður ella hevur fullskegg.
Hann er í bláum kovboybuksum, gráari hettutroyggju og bláum skóm við hvítum botni.
Løgreglan í Havn heitir á fólk um at hyggja í kjallarar, hjallar, úthús, seyðhús, fjós, bilar og neyst og annað, sum stendur ólæst og har hann kann vera farin inn.
Løgreglan heitir á tey, sum vita nakað um Jón Kári at siga um at ringja á løgregluna á nummar 35 14 48.
