Leirvík fær sína søgu í bók

Leirvíkar bygd fær nú fyrsta bind av síni bygdarsøgu í stórum bókarverki, sum Martin Fjallstein skrivar

Anna V. Ellingsgaard

10.02.2010 (13:23)

<style type="text/css">  </style>   Um dagarnar fingu Leirvíkingar fyrsta bindið av trimum um Leirvíkar bygdarsøgu, sum lýsir brot úr bygdarsøguni frá víkingatíð fram til 1900. Hartil verður ættarsøgan hjá býlinginum á Toftanesi greinað út líka fra 1700 talinum fram til dagin í dag.<o:p></o:p> Tað er Martin Fjallstein, sum skrivar bøkurnar um sína heimbygd, og hann hevur ikki ligið á latu síðuni, síðani hann gavst sum leiðari í Føroyahúsinum í Keypmannahavn fyri trimum árum síðani. Annað bind av bókarverkinum um Leirvíkar bygdarsøgu er nevniliga eisini um at verða klárt til prentingar, og triðja bind er komið væl ávegis.<o:p></o:p> Í Føroyum »í huganum«<o:p></o:p> Hóast ferð veruliga kom á skrivingina hjá Martini Fjallstein eftir at hann gavst sum leiðari í Føroyahúsinum, er áhugin fyri søguni hjá heimbygdini ikki nýggjur.<o:p></o:p> - Mær hevur altíð dámað væl at hoyrt bygdafólk greiða frá hendingum í bygdini. Eg fann til dømis ein serviett frá eini konfirmatión í 1976, har eg havi krutlað eina frágreiðing um eitt staðarnavn í Leirvík, so helst man eg hava sitið og prátað við onkran um tað í veitsluni, sigur Martin Fjallstein.<o:p></o:p> Hóast hann hevur búð í Danmark í mong ár, hevur tað ikki verið torført at halda sambandið og áhugan fyri heimbygdini við líka.<o:p></o:p> - Í huganum eri eg oftast staddur í Føroyum. Og seinnu árini hevur nútímans tøknin gørt alt samskifti so ómakaleyst. Ofta hevur tað faktiskt verið ein fyrimunur í hesum arbeiðinum at samskifta við fólk í telduposti, sigur Martin Fjallstein og sipar millum annað til arbeiðið við ættartalvum.<o:p></o:p> - Tað hevur rættiliga nógv at siga at fáa slíkar upplýsingar skrivliga og ikki bara í leysum práti við fólk, har tú kanst vera bangin fyri, at okkurt navn ella árstal bleiv nevnt, sum tú ikki rættiliga fekk fatur á.<o:p></o:p> Slíkt kann tó ikki setast í staðin fyri verulig prát við fólk, sigur Martin Fjallstein, og tí hevur hann eisini javnan vitjað í heimbygdini og í Føroyum og gjørt samrøður við fólk, sum hava verið týðandi íkast til arbeiðið við bygdarsøguni.<o:p></o:p> Eina grýtu í arv<o:p></o:p> Fyrsta bindið av Leirvíkar bygdarsøgu snýr seg sum nevnt um fornu bygdasøguna, Leirvík innan fyri hagamark og býlingin á Toftanesi.<o:p></o:p> Martin Fjallstein greiðir frá, at bygdarsøgan í farnum øldum hevur verið ókend og fjald undir moldum.   Tí var tað eisini mest sum ein opinbering, tá bygdin í víkingaøld kom undan kavi í fornfrøðiliga útgrevstrinum frá 1985 til 95 á Toftanesi og við Garð. Tað vísti seg, at fólk høvdu búleikast har í øldir og bygdin sostatt er ein av teimum elstu í landinum.<o:p></o:p> - Tað var ikki júst tað, vit lærdu í skúlanum. Tá fingu vit at vita, at Gøtu Tróndur ráddi fyri borgum á okkara leiðum og hevði ein mann fyri seg í Leirvík. Hevði ongin útgrevstur verið á Toftanesi og í Uppistovubeitinum, høvdu vit í dag vitað lítið um ta gomlu bygdina, minnir Martin Fjallstein á. <o:p></o:p> Eisini skjøl í sambandi við skiftir av ognum hava verið stór hjálp í arbeiðinum hjá Martini Fjallstein. Hann greiðir frá, at eitt nú løgdu pokunar bygdina mest sum í oyði í 1725, tá sjúkan gjørdi av við tveir triðingar av bygdafólkinum. Tí fóru serliga nógv skiftir fram árið eftir, og tey skjølini geva eitt áhugavert innlit í gerandisdagin hjá fólki.<o:p></o:p> - Ymiskt, sum gekk í arv, er jú dømi um slíkt, sum fólk brúktu av amboðum bæði í húsarhaldinum og arbeiðslívinum. At onkur bara hevði eina illa farnað grýtu at lata í arv, sigur sjálvandi nógv um sosialu støðuna, ið summi vóru í, og at veruligt fátækradømi hevur merkt lívið hjá mongum, greiðir hann frá.<o:p></o:p> Søgan heldur fram<o:p></o:p> Longu í oktober í ár er ætlanin at geva út annað bind í bókarverkinum. Hesin næsti parturin av Leirvíkar bygdarsøgu fer at snúgva seg um staðarnøvn, trúarlív, kommunusøguna, skúlasøguna umframt  hús og ættir í býlinginum við Garð í 300 ár.<o:p></o:p> Triða bindið viðgerð mentanarsøguna í bygdini, vinnulívið og hús og ættir við Á ella á Áargarði í 300 ár, og kemur tað eftir ætlan út í mars mánað í 2011<o:p></o:p> Arbeiðið við bókaverkinum Leirvíkar bygdarsøga er fingið í lag og skipað við stuðli frá Leirvíkar bygdaráð og grunninum Leirvíkar bygdarsøgu til frama.<o:p></o:p> <o:p> </o:p> <o:p> </o:p> <o:p></o:p> <o:p> </o:p> <o:p> </o:p> <o:p> </o:p>

Leirvík fær sína søgu í bók

Mest lisið

Myndir: Kongsvitjan á Eiði

Myndir: Kongavitjanin í Suðuroynni endaði við føroyskum dansi

Útlendsk ferðafólk funnin deyð á hotelli í Reykjavík

Dráp í Reykjavík: Fronsk kvinna dripið mann og dóttur

Myndir: Kappróður á sundalagsstevnu

KA tapti móti liðnum sum læt Ísafjarðasúluna í sínari tíð

Macron á tíðindafundi: Grønland er ikki til sølu

Føroyar taptu 3-0 fyri Luksemborg

U17 landsliðið tapti við níggju málum

Myndir: Kappróðrarmyndir frá sundalagsstevnuni