Tað var fyri at siga leigaranum, at hann skyldaði fyri 10 mánaðar leigu, og at hann tí skuldi út, at ákærdi maðurin fór inn til leigaran.
Teir báðir kendust nakað, og tá tann nú deyði maðurin stóð uttan tak yvir høvdið og bað umat sleppa at leiga hjá ákærda, so helt hesin, at tað var í lagi.
Hann vildi hava 7.000 krónur í húsaleigu um mánaðin, men tað endaði skjótt niðri á 5.000 krónum.
Sannleikin var tó tann, at leigarin ongantíð rindaði eitt oyra í leigu, segði ákærdi.
Tað, sum so fekk bikarið at flóta yvir var, at hann eitt kvøldiðvar í Glitnir og spældi sjavs, tá leigarin kom har og var so ljótur í munninum í móti ákærda, at hesin hevði fingið nóg mikið.
Hann hoyrdi eisini frá onkrum, at leigarin segði seg hava keypt húsini, og at nú var tað hann, ið átti tey.
Hetta var komið upp í ákærda hetta kvøldið, og tí fór hann upp í miðhæddina heilar tvær ferðir, fyri at fáa leigaran á tal, uttan at hesin læt upp.
Tað var hetta, sum fekk 69 ára gamla ákærda mannin at klúgva upp á altanina um ein stiga, og tann egin sleppa inn í íbúðina hjá nú deyða manninum.
Hesin heði tikið um hálsin á ákærda og spurt hann, hvat f.... hann bilti sær inn. Síðani var hann farin innar í stovuna at smakka sær á, áðrenn báðir menninir endaðu í køkinum, ákærdi við vaskið og hin við skuffurnar.
Ákærdi sær órættaða taka ein knív úr skuffuni og langa út eftir sær. Ákærdi fær tó tak í knívarminum á órættaða og kemur aftur um hann. Teir takast sotar eina løtu, til báðir enda á gólvinum við ákæra oman á hinum.
Ákærdi reisti seg, meðan hin var liggjandi. Órættaði kom tó upp á knøini og grulva-i runt um køksborðið og heilt fram móti altanhurðini. Tá fór ákærdi niður undir aftur í egna íbúð.
Seinni fór hann tó upp aftur í miðhæddina, og tá hevði órættaði vent sær, so hann nú lá á rygginum við andlitinum vent frá altanhurðini.
Tá gjørdi ákærdi av at ringja eftir hjálp.
