Forsætisráðharrin í Ungarn, Viktor Orban, leggur nú Nato undir at draga Ungarn upp í kriggj.
Hann samanber støðuna við seinna heimsbardaga.
- Tað er høpisleyst, at Nato dregur okkum sum lim í verjusamgonguni inn í ein heimsbardaga í staðin fyri at verja okkum.
Viktor Orban vísir á, at hetta er líka so høpisleyst, sum um ein sløkkiliðsmaður roynir at sløkkja ein eld við einum eldvarpara.
Hetta sigur hann í samrøðu við eina radiostøð í Ungarn í dag.
Í vesturheiminum hevur verið funnist at ungarnska forsetanum fyri ikki at vilja senda vápn til Ukraina.
Hann hevur heldur lagt upp til friðarsamráðingar millum ukrainskar og russiskar myndugleikar.
Viktor Orban er einasti leiðarin í ES, sum hevur varðveitt eitt gott samband við stjórnina í Russlandi eftir russisku innrásina í Ukraina í februar 2022.
