- Tað hevur gingið væl at smíða kappróðrarneystið, og tíðarætlanini hevur hildið rættiliga væl. Bygningurin er fyri stóran part smíðaður inni sum elementir, sum síðan eru sett upp á staðnum.
Tað siga tey í Klaksvíkar kommunu í dag.
- Bygnignurin er býttur upp í tvey. Her er neyst, sum ikki er hitað, og síðan eru venjingarhølir, wc og bað, umframt fundarhøli og uppilhaldsøki í heita partinum av bygninginum.
Sagt verður, at tá tað er góðveður, sum í dag, verður flag lagt á, og annars verður arbeitt við at innrætta.
- Einir 800 fermetrar av flagi skulu leggjast á takið, og flagið er skorið í Saksunardali.
##med2##
Á byggiplássinum hava staðið 70 plattar við flagi, og ein lítil helmingur er nú komin upp at liggja.
- Fyrra lagið verður lagt við grasinum niðureftir. Síðan verður trol lagt ímillum, og ovara lagið verður lagt við svørðinum uppeftir.
Grundvíddin á neystinum er 470 fermetrar, og síðan er ein lítil loftshædd við fundahøli og goymslu á 120 fermetrar. Kappróðrarneystið verður hitað við sjóhitaskipan.
Tað er Malltek, sum hevur høvuðsarbeiðstøkuna, og tað er Ósbjørn Jacobsen Arkitekatar, sum hava teknað.
- Gongst sum ætlað, stendur bygningurin liðugur í november í ár, siga tey í Klaksvíkar kommunu í dag.
##med3##
