Aftur hesa vikuna liggur lagið Learn To Ride On Waves á ovastu rók á 15 teimum bestu, hetta er triðja vikan á rað, at frálíka rokklagið hjá Høgn Lisberg liggur ovast á einasta almenna føroyska hitlistanum.
Lagið hevði verið 9 vikur innið á listanum áðrenn tað kom á ovastu rók, og við 12 vikum innið í hitanum eru einans 3 vikur til lagið verður koyrt av listanum. 15 vikureglan er ikki altíð so mjúk við tónleik, ið krevur meira enn eina lurting fyri at gerast fólkaogn. Hetta er synd, tí dygdirnar hjá Learn To Ride On Waves halda munandi longri enn tríggjar vikur afturat.
Hesa vikuna er tað fyrrverandi nummar eittarin, ið er tættasti avbjóðarin hjá Høgna, nevniliga Goodbye My Lover hjá James Blunt. Robbie Williams tryggjar at ungir penir solistar eiga topp 3 á listanum.
Føroyskur tónleikur er ikki serliga væl umboðaður á 15 teimum bestu fyri tíðina. Umframt Learn To Ride On Waves, ið liggur ovast, er næsta føroyska lagið á listanum hesa vikuna Fremmandur á 8. plássi. Hetta lag eigur Petur Pólson av fløguni Koma.
Poppkorn og lagið Droymi Mitt Um Dagin liggur beint aftan fyri Fremmandur á 9. plássi Men eisini í eykaløgunum er eitt føroyskt lag, her er talan um fyrsta lagið á nýggju Makrel fløguni, ið kom út í dag, Filthy Tongue. Síðsta lag Makrel høvdu á listanum gjørdist ein sonn landaplága, tað var Forever and Beyond.
15 tær bestu
1 Høgni Lisberg Learn To Ride On Waves
2 James Blunt Goodbye My Lover
3 Robbie Williams Advertising Space
4 Kent Dom som försvann
5 Kelly Clarkson Because Of You
6 Pink Stupid Girls
7 Madonna Sorry
8 Petur Pólson Fremmandur
9 Poppkorn Droymi Mitt Um Dagin
10 The Black Eyed Peas My Humps
11 Mew Special
12 Chris Brown Run It
13 The Pussycat Dolls Beep
14 The Black Eyed Peas Pump It
15 Bryan Rice No Promises
Eykaløg
Maria Mena Just Hold Me
Daddy Yankee Rompe
UFO Yepha Op Med Håret
Fall Out Boy Sugar Were Going
Makrel Filthy Tongue
