Í kvøld spælir Víkingur seinna dystin í øðrum undanumfari móti norska liðnum Tromsø IL. Víkingur hevur gott útgangsstøðið undan dystinum, tí Víkingur megnaði í seinastu viku at spæla málleysan javnleik á Svangaskarði móti norsku favorittunum.
Tískil skal Víkingur bert hava eitt mál, fyri at heimaliðið skal kenna seg trýst og tað er eisini ætlanin hjá Víkingi.
Í mun til dystin í seinastu viku, er ein broyting á Víkinga liðnum. Andreas Lava Olsen byrjar á liðnum fyri fyrstu ferð í ár, meðan serbiski Filip Djordjejic rýkur út á bonkin.
Liðið hjá Víkingi 4-4-1-1: Geza Turi – Bárður Hansen, Atli Gregersen, Erling Jacobsen, Hanus Jacobsen – Sølvi Vatnhamar, Hans Jørgen Djurhuus, Hallur Hansson, Súni Olsen – Finnur Justinussen – Andreas Lava Olsen.
