Stovnarin av Jysk, Lars Larsen, er deyður 71 ára gamal. Tað upplýsir Jysk í einum tíðindaskrivi fyri løtu síðani.
Tað var síðstu í junimánaði, at boðað varð frá, at Lars Larsen fór frá sum nevndarformaður í Lars Larsen Group, og at sonur hansara, Jacob Brunsborg, tók yvir sessin. Orsøkin var, at Lars Larsen var vorðin sjúkur av livrakrabba.
Jysk ketan hevur fleiri enn 2700 handlar í 52 londum.
Lars Larsen var vøddur 6. august í 1948, og búði í Silkeborg.
Útbúgving:
1965-1968: Tók handilsskúla, samstundis sum hann stóð í læru sum krambakallur í Thisted.
1956-1965: Hurup Kommuneskole
Yrkisleið:
2019: Lars Larsen sjúkrameldaður frá arbeiði sum nevndarformaður í Jysk-konsernini.
2001: Lars Larsen keypir partafelagsmeirilutan í Bolia. Síðani hevur hann keypt handilsketurnar Ilva, Idémøblar og Sengespecialisten.
1990: Hann stovnar ferðastovuna Larsen Rejser, sum í 1998 varð seld sveisisku Kuoni eftir eina tíð við halli.
1979: Lars Larsen stovnar fyrsta Jysk Sengetøjslager-handil í Aarhus. Í 1983 var tað vorðið til 48 handlar. Í dag kallast ketan bara Jysk.
1966: Hann fer í læru í handlinum Magasin H&L í Thisted, har tey millum annað seldja dýnur og seingjarklæði.
Lars Larsen varð giftur við Kristine Brunsborg. Saman hava tey børnini Jacob og Mette Brunsborg og fýra ommu- og abbabørn.
Í desember í 2018 varð mett, at Lars Larsen hevði ognir fyri 35,1 milliardir krónur. Tað ger hann til ein av ríkastu fólkum í Danmark og millum teir tíggju danirnar, sum standa á seinasta listanum yvir heimsins ríkastu persónar, sum amerikanska blaðið Forbes gevur út á hvørjum ári.
/ritzau/
