Móttøkan er ikki almenn, vegna koronutilmælini.
Teir báðir taka við sum landsstýrismenn eftir Jacob Vestergaard og Elsebeth Mercedis Gunnleygsdóttir, sum løgdu frá sum landsstýrisfólk 20. desember í fjør í eini roynd at forða Anniku Olsen at sleppa at atkvøða í Løgtinginum í málinum um sammøður.
Av tí at løgmaður hevði gjørt Fólkaflokkinum greitt, at tey bæði, sum fóru úr landsstýrinum, ikki kundu setast aftur, hevur Fólkaflokkurin valt tveir nýggjar landsstýrismenn.
Stórur spenningur hevur verið, hvussu Fólkaflokkurin fór at telva, og um hann fór at halda fast við at halda Anniku Olsen uttan fyri Løgtingið.
Og tað gjørdi Fólkaflokkurin við at velja tveir púra óroynda politikarar í størvini. Hvørgin hevur parlamentariskar royndir yvirhøvur – og hvørgin teirra stillaði upp til seinasta løgtingsval.
