Tað eru ikki bara ítrottarfólk, venjarar ella leiðarar, sum skulu til Rom. Eisini umboð fyri almennu Føroyar vera partur av túrinum, og landsstýrismaðurin í mentamálum, Jógvan á Lakjuni, fer fríggjadagin til Rom.
Í samband við Olympisku leikirnar verður ein ráðstevna við evnum í viðvíkja menningartarnaðum, og har skal Jógvan á Lakjuni luttaka.
- Eg verið so partur av ráðstevnuni saman við politikarum úr øðrum londum, men annars ætli eg mær at brúka nógv tíð saman við føroysku luttakarunum í kappingini, greiður Jógvan á Lakjuni frá.
Spurdur um hann gleðir seg eins nógv og luttakararnir, er landsstýrismaðurin skjótur at svara:
- Eg gleði meg øgiliga nógv, og eg haldi at vit eiga at gera nógv burtur úr hesum fantastiska tiltaki, har vit kunnu senda nøkur av teimum veiku í okkara samfelag at kappast saman við teirra javnlíkum og umboða Føroyar har. Tað haldi eg vera ótrúligt, sigur Jógvan á Lakjuni, sum fer til Rom fríggjadagin.
