Løgmaður sett politiskan arbeiðsbólk at viðgera kommunala umskipan.
Løgmaður hevur sett ein politiskan arbeiðsbólk viðgera álitið hjá kommunalu umskipanarnevndini, »Kommunur, eindir og uppgávur 2009«.
Bólkurin skal m.a. áseta talið á kommunalum eindum, hvørji ábyrgdarøki skulu leggjast út til kommunurnar og nær næsta kommunalval verður. Málið er at leggja endaligt uppskot til kommunala umskipan fyri Løgtingið í vár.
Ætlanin er somuleiðis, at kommunala umskipanin skal til aðalorðaskifti í Løgtinginum í næstum.
Í politiska arbeiðsbólkinum eru Annika Olsen, landsstýriskvinna í innlendismálum, Jóannes Eidesgaard, landsstýrismaður í fíggjarmálum, Helena Dam á Neystabø, landsstýriskvinna í mentamálum og Rósa Samuelsen, landsstýriskvinna í almannamálum.
