Um vikuskiftið fara nýliga influttu lamairnar til arbeiðis, tá eigarin skipar fyri gongutúri úr Havn til Leynar
Leygardagin fara tær báðar lamairnar, Alpacha og Lama til arbeiðis fyri fyrstu ferð í Føroyum, tá eigarin Torkil Sandá skipar fyri gongutúri við ferðafólki.
Gingið verður fram við Skælingsvatni, Sátuna og Skælingsfjalli. Gongutúrurin endar við eini lættari máltíð á útikafe í Leynum, áðrenn farið verður aftur til Havnar við bili.
Torkil Sandá keypti herfyri tær báðar lamairnar frá Vildtfarm Nord úr Nibe. Ætlanin er at brúka lamairnar til lama-trekking, ið er eitt kent fyribrigdi aðrastaðni. Til slíkar túrar kunnu ferðafólk vanliga sjálvi leiga sær eina lama sum pakkaesil.
Í fyrsta umfari ætlar Torkil Sandá sær tó sjálvur at standa fyri fyriskipaðum túrum við lamaunum, sum fólk so kunnu tekna seg til.
