Fjúrtanda og næstsíðsta umfar undan summarsteðginum er á skránni hetta vikuskiftið. Í gjárkvøldið endaði tað 2-2 við Løkin í Runavík, har ÍF var gestur hjá NSÍ í stevnudystinum.
Í dag eru fýra dystir á skránni. Fyrsta bríkslið verður klokkan 15 – bæði í Klaksvík og í Havn – og so verður spælt mest sum út í eitt inntil klokkan 9 í kvøld. Á Skála verður lagt fyri klokkan 17.30, og tað verður rundað av við oyggjauppgerðini á Svangaskarði, har B68 fær vitjan av Víkingi klokkan 19.
Á Skála verður úrslitið avgerandi fyri vánirnar hjá bæði heimaliðnum og AB at varðveita plássið í deildini.
Í Gundadali verður úrslitið avgerandi fyri, um tað framvegis skal vera spenningur í toppinum, ella um tað fer at vera soleiðis, at B36 fer í summarfrí við risastórum gloppi aftur til tey næstu á støðutalvuni.
Líkindini at spæla fótbólt eru av teimum fagrastu. Tað er summarveður kring alt landið.
Í dag
KÍ-EB/Streymur: Eiler Rasmussen kl. 15.00
B68-Víkingur: Erlendur Eiriksson úr Íslandi kl. 19.00
Skála-AB: Ransin N. Djurhuus kl. 17.30
HB-B36: Petur Reinert kl. 15.00
Í gjár
NSÍ-ÍF 2-2 (1-1)
1-0: Klæmint A. Olsen 27.
1-1: sjálvmál 38.
2-1: Klæmint A. Olsen 57.
2-2: Clayton Soares 64.
Støðan
B36 33
HB 28
Víkingur 22
NSÍ 21
EB/Streymur 19
KÍ 17
ÍF 17
B68 9
AB 9
Skála 5
NSÍ og ÍF hava spælt 14 dystir, og hini liðini hava spælt 13 dystir
