Føroya Skúlabókagrunnur hevur givið út nýggja frálærubók í Global Maritime Distress & Safety System
Global Maritime Distress & Safety System, er tilfar eftir Don Petersen. Tríggjar bøkur eru, GMDSS GOC- og LRC- lærubók, GMDSS SRC og ROC VHF-lærubók og Ískoyti til GMDSS GOC- og LRC- lærubók . Tilfarið er ætlað til frálæru innan sjóvinnu.
GMDSS GOC- og LRC- lærubók er ætlað sum frálærubók hjá teimum, sum vilja útvega sær GOC (General Operator´s Certificate), og LRC ? radiopróvbrøv (Long Range Certificate) til at passa VHF-, MF-, HF-, Inmarsat og annan siglingar GMDSS radioútbúnað umborð á skipum.
Í bókini eru litmyndir av kortum, sum vísa sjóøkini í GMDSS, ITU radioøki, Navareas (NAVTEX-sjóøki), Inmarsat Fylgisveinar og útbreiðslu. Greitt yvirlit er yvir, hvussu neyðarkall verður fráboðað og móttikið, og hvussu skip og bátar skulu bera seg at undir slíkum umstøðum.
