Føroya Lærarafelag hevur lýst, at er ikki semja millum Fíggjarmálastýrið og Føroya Lærarafelag 1. mars, so fer felagið í arbeiðssteðg.
Tað tykist, sum ganga samráðingarnar millum partarnar sera strilti. Hvørgin parturin hevur viljað sagt stórvegis, men tað skilst á kunningartænastunum, sum partarnir hava á heimasíðum sínum, at tað hevur ikki gingið sum eftir ánni, tá partarnir hava hitst.
Í dag fara Føroya Lærarafelag og lønardeildin hjá Fíggjarmálastýrinum aftur til samráðingarborðið. Fundurin í dag verður helst týðandi fyri gongdina í samráðingunum, tí 1. mars nærkast alsamt. Børn og vaksin bíða við spenningi, um fyrsti arbeiðssteðgur í søgu Føroya Lærarafelags gerst veruleiki. Lærarafelagið hevur brynjað seg til arbeiðssteðg og arbeiðir við at senda kunnandi blað í hvørt hús, har greitt verður frá støðu felagsins.
