- Tvey føroysk frystilínuskip fiska í Eysturgrønlandi, og tvey frystilínuskip fiska undir Føroyum.
Tað vita tey á Fiskamarknaði Føroya at siga. Lagt verður aftrat, at tvey føroysk línuskip eisini fiska í íslendskum sjógvi, men tey koma neyvan inn at landa hesa vikuna.
Tvey línuskip eru á Íslandsrygginum, og væntandi koma tey inn at landa siðst í hesi vikuni. Skipini á Íslandsrygginum fáa mest av toski og svartkalva og nakað av lira og blálongu.
- Tvey línuskip royna eisini á djúpum vatni undir Føroyum. Tey fáa mest av longu og brosmu og eitt sløð av toski. Hesi skipini koma væntandi inn at landa í vikuni.
Á Fiskamarknaði Føroya vita tey eisini at siga, at streymurin verður einki serligur til útróður, men veðurútlitini eru rímiliga góð.
- Vit vænta tískil ikki at síggja tann nógva útróðurin hesa vikuna, verður lagt aftrat.
