Búskapur
Óvissa á fíggjarmarknaðinum, misjøvn rávørutilgongd í tilfeingisvinnuni, fløskuhálsar á arbeiðsmarknaðinum og ivi um framtíðar leiklutin hjá landinum í stimbran av búskapinum.
Ávaringalampurnar blunka í fullari ferð í seinastu frágreiðingini frá Landsbankanum.
Lániveitslan av
Í frágreiðingini verður sagt, at fremsta orsøkin til búskaparvøksturin seinastu tvey-trý árini vøksturin í innlendskum eftirspurningi.
- Betri fíggingarmøguleikar á fíggjarmarknaðinum og skattalætti til húsarhaldini hava stimbrað nýtslu og íløgur. Hetta hevur serstakliga ávirkað virksemið í tænastu- og byggivinnuni. Landið og kommunurnar hava økt tænasturnar lutfalsliga nógv. Ávísar bygnaðarligar broytingar í pørtum av vinnulívinum hava harumframt virkað fyri meira dynamikki. Størsta ávirkanin á uppgongdina seinastu 2 árini hevur verið størri nýtsla og íløgur hjá húsarhaldunum.
Hinvegin hava trupulleikar verið á útboðssíðuni. Millum annað við misjavnari rávørutilgongd í tilfeingisvinnuni, tó at framleiðsluvøkstur hevur verið í alivinnuni. Hartil hevur trýstið á arbeiðsmarknaðin verið stórt.
Einki búskaparstopp
Enn er talan tó ikki um nakað veruligt stopp í búskapinum. Landsbankin metir framvegis, at talan verður um búskaparvøkstur, og er hesin mettur til 4,7% í 2008.
- Fíggjarkreppan og búskaparútlitini úti í heimi gera, at óvissan er størri enn vanligt, tá metast skal um útlitini í føroyska búskapinum. Búskapurin í 2008 kann í stóran mun væntast at vera framhald av gongdini frammanundan. Millum annað tí peningastovnarnir í ávísan mun eru bundir av givnum tilsagnum um útlán. Longur frammi í tíð kunnu lánistovnarnir væntast at verða meira varnir at økja um útlánini, eins og hægri fíggingarkostnaður í eina tíð frameftir kann væntast at minka áhugan fyri lántøku. Hetta kann væntast at gera seg galdandi fyri bæði húsarhald og vinnulív, verður sagt í frágreiðingini.
Hartil verður sett spurnartekin við, um tað almenna framvegis kann stimbra búskapin í sama mun, sum gjørt hevur verið seinnu árini, tá skattalættar og vaksandi rakstrarútreiðslur hava økt búskaparvøksturin.
