Johan Dahl, løgtigsmaður fyri Sambandsflokkin, vísir í viðermking á Facebook á, at vit hava eina heimskreppustøðu av teimum heilt stóru, har nógvar fyritøkur og einstaklingsvirki eru um at fara av knóaranum orsaka av koronasmittuni.
Hann vísir á ójavnan millum fólk í privatu vinnuni og fólk í privatu vinnuni:
– Øll vit alment løntu fáa okkara fullu løn eisini, hóast vit sita heima, meðan tey í privatu vinnuni enda á ALS og hava stóran lønarmiss og missa enntá kanska sítt arbeiðspláss um heilt illa berst á, og smittan heldur fram í mánaðir frá nú.
– Lønnarmassin í Føroyum tilsamans er í 2019 umleið 10 milliardir býtt soleiðis:
Alment lønt eru 3,3 milliardir krónur
Byggivinna: 1,6 milliardir krónur
Tænastuvinnur: 3,1 milliardir krónur
Fiskivinna: 2,0 milliardir krónur
– Hvat við at øll vit, sum fáa fulla løn hesar mánaðirnar tað stendur á, høvdu ein lønarmiss á t. d 5% fyri at hjálpa landi okkara og starvsfeløgum, sum eru verri fyri, spyr Johan Dahl.
Hann sigur, at tað vildi gjørt ein ávísan mun og eisini lætt um trýstið á landskassan.
– Tá vildu vit øll veruliga víst, at vit vilja vera samhaldsføst, sigur løgtingsmaðurin.
