Løgmaður og politiskt tolsemi

Tolsemi kann vera eitt ógv­u­liga óítøkjuligt ella abstrakt hug­tak og kann brúkast og mis­­brúk­ast - alt eftir, hvat end­a­mál­ið er við at brúka tað. Tað áhuga­verda er, at orð­ið er lan­ser­að umleið 1 ár eftir, at politiska visjónin 2015 kom fram og eftir, at ongar ítøkjuligar av­gerðir og handlingar enn eru framd­ar í sambandi við lang­tíð­ar­mál­ini í politiska strategi­arbeiði­num.
Í mai 2006 vísti eg á í ein­ari samrøðu við Sosialin, und­ir heitinum ”Stórur vandi fyri, at Visjón 2015 endar í fiasko”, hvussu neyðugt tað var at gera eitt gott fyr­i­reik­andi arbeiðið í sam­bandi við strategi­arbeiðið hjá landsstýrinum og m. a. rudda upp í umleið 3 ár á øllum økjum í sam­felag­num og vinnuni, áðrenn nakr­ar kosmetiskar ætlanir. Men tá hevði løg­maður als onki tolsemi at arbeiða á ein slíkan pro­fessionellan hátt. Nú tað sær út til, at lítið og onki kemur burturúr politiska strat­­e­gi­arbeiðinum, er knapp­liga brúk fyri tolsemi.
Tolsemi er eitt takksamt orð og kann brúkast í øllum møguligum samanhangum – spurn­ingurin er bara, hvat støða og samanhang hug­tak­ið verður brúkt í, og hvør er avsendari og móttakari. Fakligt tolsemi kann m. a. brúkast til at gera eitt dygd­ar­gott fyrireikandi arbeiðið og tað er at geva sær tíð at arbeiða professionelt. Menn­iskj­aligt tolsemi kann merkja at fara væl við sínum med­menni­skjum, skilja og fata øðrvísi hugsandi, góð­taka og virða onnur fól­k­a­sløg o.a. Fíggjar­ligt tolsemi kann merkja, at hava við toln­an kapital til íløgur at gera – bara kapitalurin ikki sovnar. Fíggjarligt tol­semi kann eisini merkja, at ein íleggjari bíðar eftir stórum avkasti ella jackpot. Vinn­u­ligt tolsemi kann verða í 1-3 ár at fáa fleiri kundar til nýggju fyri­tøk­una.
Tolsemi kann eisini merkja at verða meira og minni passivur ella óvirkin. Pol­itiskt tolsemi í Føroyum kann bara brúkast til at fjala út yvir vantandi avgerðir og handling, og til at flyta fokus frá álvarsligum politiskum trupulleikum. Hetta eigur at síggjast í mun til, at lítið og onki strategiskt týðandi er hent við málrættaðum pol­it­iskum arbeiði í nógv ár, og ongi útlit eru fyri størri politiskari handlimegi.
Politiska tolsemið hjá løg­manni og samgonguni kann lætt­liga merkja fylgjandi: ”in the long run we are all dead” ella hava onnur yv­ir­hál­að okkum, soleiðis at Føroyar verða out of bus­i­n­ess. Kanningar vísa, at broytingarskjótleikin í poli­tisku skip­anunum er í botni – so politiskt tolsemið í Før­oy­um saman við aftur­lítandi hugburði, kann bara merkja, at onki ítøkjuligt fer at henda.
Tað er meiningsleyst at tosa um vinnuligt og pol­itiskt tolsemi uttan, at tað er greitt, hvat hetta tolsemi verður knýtt at – tolsemi gev­ur meining, tá nakað í­tøkj­u­ligt og stórt er gjørt (stór­ar verkætlanir) og bíða verður eftir útslitinum, sum væntandi kemur um eitt ár, um fimm ár ella ongantíð. Fólk og vinna í Føroyum hava bara sera trupult við at síggja nakrar politiskar verk­ætlanir í gerð, sum skara framúr og sum kunnu flyta mørk.
Í allari politisku neyðini verður uttan iva brúk fyri enn fleiri villleiðandi og ó­í­tøkju­ligum hug­tøkum – eg hoyri longu fleiri av hesum hugtøkum fyri mær.