Løgfrøðis App´in er sera væl móttikin

Løgfrøðis App´in hjá Faroe Law er sera væl móttikin. Longu nú eru yvir 600 fólk, sum hava downloada app´ina.

Hetta er fyrsta app’in av sínum slag á føroyska marknaðinum.

Faroe Law hevur valt at gera app’ina soleiðis, at brúkarin her kann fáa ókeypis svar upp á 129 av ofta settum løgfrøðisligum spurningum. Á app’ini eru 17 ymisk høvuðsevni, og undir hvørjum av hesum kann brúkarin finna OSS (Ofta Spurdir Spurningar) og sjálvandi eisini svarið, sum Faroe Law hevur gjørt til hesi høvuðsevni:

- Einkarrættur (patent)

- Entreprisurættur

- Incoterms 2010

- Innheinting

- Leigurættur

- Mynsturvernd

- Setanarrættur

- Skattur og avgjøld

- Trotabúaviðgerð

- Tvingsilsuppboð

- Umboðssøla

- Upphavsrættur

- Veð i peningakrøvum

- Vinnufelagsrættur

- Vinnuligur fiskiskapur

- Vørumerkir

- Økisnøvn (domænenøvn)

Í morgunsendingini hjá Rás2 í morgun greiddi Jens Wang, advokatur hjá Faroe Law um løgfrøðis app´ina. Tað ber til at hoyra prátið við Jens Wang undir greinini.