Føroyska talvlandsliðið er í Baku í Aserbadjan, har fyrsta umfar í 42. talvolympiaduni er í dag. Føroyska liðið telvar í dag ímóti Suðursudan. Fyrstu leikirnir vórðu fluttir á middegi.
181 lið luttaka í kappingini. Føroyar eru styrkismettar sum nummar 84, og Suðursudan er styrkismett sum nummar 175.
Á føroyska liðnum í Baku eru Helgi Dam Ziska, John Rødgaard, Jóan Hendrik Andreasen og Sjúrður Thorsteinsson. Finnbjørn Vang, sum er formaður í Talvsambandi Føroya, er eykamaður.
