Eins og kvinnurnar hjá Neistanum og Kyndli fyrr í kvøld spældu landskappingardyst, spældu menninir hjá somu liðum seinni í kvøld eisini.
Og tað var eins og hjá kvinnunum, Kyndil ið dró tað longra stráðið í kvøld hjá monnunum. Kyndlamenn vunnu dystin 26-22, eftir at Neistin annars hevði verið á odda 9-12 í hálvleikinum.
Talan var um fyrsta sigurin hjá kyndlamonnum hetta kappingarárið, meðan Neistin enn eigur síni fyrstu stig til góðar í hesum kappingarárinum.
Fyri Kyndil í kvøld var Hjalti Mohr Jacobsen toppskjútti. Hann skjeyt 7 mál, meðan Tummas Pauli Hanusarson var honum næstur á toppskoraralistanum við 5 málum.
Hjá Neistanum var Rói Berg Hansen toppskjútti við 7 málum, meðan John í Innistovu, Christopher Moe og Teis Horn vóru honum næstir, allir við 4 málum.
Kyndil – Neistin 26-22 (9-12)
