Aftaná fimm stig í trimum útidystum vóru vónirnar høgar til Team Klaksvík í heimadystinum móti StÍF í Badmintonhøllini í Klaksvík.
Men Team Klaksvík snávaði í fyrstu royndini á heimavølli. StÍF vann dystin 31-28. Í steðginum var javnleikur 16-16.
Jóanes Prestá hjá StÍF var høvuðsatvoldin til fyrsta tapið hjá Team Klaksvík hetta kappingarárið. Hann bumbaði 15 bóltar í kassan, og var klárt dagsins maður.
Kyndil fekk ein góðan javnleik móti KÍF, ið verður mett at vera sera væl fyri til hetta kappingarárið.
Dysturin í høllini á Hálsi í Havn endaði 29-29. Í steðginum var Kyndil á odda 14-13. Kristoffur Bjørgvin var við 12 málum sera eyðsýndur hjá Kyndli í dag.
Team Klaksvík-StÍF 28-31 (16-16)
Málskjúttar Team Klaksvík: Vuk Stevanovic 8, Vilhelm Vilhelmsen 5, Valentino Valentakovic 5, Jens Pauli Mohr 4, Tummas Simonsen 3, Sámal á Tjaldrafløtti 2, Kjartan á Gravarbø 1.
Málskjúttar StÍF: Jóannes Prestá 15, Pætur Johansen 4, Steinar Prestá 3, Bjartur Már Guðmundsson 2, Bjarni í Selvindi 2, Pætur Barclay 2, Ivan Mrdalo 2, David Danielsen 1.
Kyndil-KÍF 29-29 (14-13)
Málskjúttar Kyndil: Kristoffur Bjørgvin 12, Tróndur Wardum 7, Anders Risdal 5, Tummas Sørensen 2, Tórður Guttesen 1, Borgar Sveinsson 1, Mads Lindbergh 1.
Málskjúttar KÍF: Hans Eli Sigurbjørnsson 10, Nicklas Selvig 6, David Edvardsen 5, Ási Dam 2, Tony Weihe 2, Teitur Joensen 2, Jón Súni Kjærbæk 1, Bárður Dam 1.
Støðan (hsf.fo) | Dystir | Vunnin mál | Tapt mál | Munur | Stig |
---|---|---|---|---|---|
TEAM KLAKSVÍK | 4 | 113 | 114 | -1 | 5 |
STÍF | 4 | 115 | 118 | -3 | 5 |
H71 | 3 | 90 | 81 | 9 | 4 |
KÍF | 3 | 83 | 78 | 5 | 4 |
VÍF | 3 | 88 | 77 | 11 | 2 |
NEISTIN | 3 | 92 | 91 | 1 | 2 |
KYNDIL | 4 | 95 | 117 | -22 | 2 |