Tað vísa nýggja hagtøl, sum Nordisk Ministerråd nú hevur almannakunngjørt.
Uppgerðin vísir, at føroyskar kvinnur kunnu vænta at verða 84,6 ára gamlar og tað er eldri enn kvinnurnar í nøkrum øðrum norðurlandi kunnu vænta at vera, vísa tøl í Nordisk Statistisk Årbog 2013.
Hagtølini vísa, at kvinnurnar í Álandi eru beint í hølunum á teimum føroysku, tí tær kunni eisini vænta at verða yvir 84 ára gamlar.
Hinvegin kunnu menninir í Føroyum ”bara” vænta at verða 79,6 ára gamlir og tað er minni enn bæði menninir í Álandi, Íslandi og Svøríki, verða.
Hagtølini vísa, at síðani 1990, er livialdurin hjá monnum í Føroyum hækkaður 6,5 ár og hjá kvinnunum er hann hækkaður 4,3 ár.
