Foreldrabólkurin hjá Krabbameinsfelagnum fer at skipa fyri skeiði á Hotel Skálavík vikuskiftið 29. og 30. september.
- Vikuskiftið er fyri foreldur, hvørs barn hevur ella hevur havt krabbamein og foreldur, ið hava mist barn av krabbameini.
Í Krabbameinsfelagnum vísa tey á, at tá eitt barn hevur fingið staðfest krabbamein - ella foreldrini hava mist eitt barn av krabbameini - er tíðin eftir hetta ofta merkt av sorg, stúran og stórum máttloysi.
- Hóast stúranin, sorgin og máttloysi kunnu upplivast ymiskt, so kann kortini tað at vera saman við øðrum í somu støðu geva eina kenslu av felagsskapi, sum kann sissa, kveikja vón og styrkja foreldrini í sváru støðuni.
Í Krabbameinsfelagnum leggja tey aftrat, at skeiðið, sum foreldrabólkurin skipar fyri í Skálavík, er ókeypis, og skeiðleiðari verður Inge Kaldhal.
