Tá hon ætlaði at linna sær um nakkapínuna við einum massagutóli, gjørdist tólið fast í smykkunum, hon hevði um hálsin. Hetta kostaði henni lívið. 37 ára gamla Michelle Ferrari-Gegerson er deyð av einum massagutóli. Tað var hjúnarfelagi hennara, Kenneth Gegerson, sum fann konu sína í sovikamarinum í Parkland í Florida.
Tað skrivar The Palm Beach Post.
Hin 37 ára gamla hevði brúkt kvøldið til at pakka inn jólagávur og gjørdi seg annars til reiðar at fara til arbeiðis.
Tá hon ætlaði at linna sær um nakkapínuna við einum massagutóli, gjørdist tólið fast í smykkunum, hon hevði um hálsin.
Hetta kostaði henni lívið.
Sambært The Palm Beach Post var tað maðurin, sum fann Michelle Ferrari-Gegerson liggjandi uttan vit í sovikamarinum.
Kenneth Gegerson ringdi eftir hjálp, og tá løgregla og sjúkrabilur komu á staðið, funnu tey massagutólið á gólvinum við síðuna av kvinnuni, sum ikki kom til lívs aftur.
Í útlendskum bløðum er mynd av einum massagutóli um hálsin á eini kvinnu, sum kortini ikki er Michelle Ferrari-Gegerson.
