Í kvøld stórfegnast Hjalmar um avrikið hjá VÍF (FM1)

##med2##

Lagið er framúr í Vestmanna í kvøld. Okkaradeildarliðið hjá VÍF vann í høllini í Vestmanna sera týðandi 23-21 sigur á oddaliðnum, H71. Í steðginum var VÍF á odda 10-9.

Hetta merkir, at VÍF er trý stig frammanfyri StÍF og KÍF.

- Vit lovaðu okkum sjálvum, at eitt slíkt avrik sum tað móti KÍF skuldu okkara trúgvu áskoðarar ikki uppliva aftur, segði ein glaður VÍF-venjari, Hjalmar Klein Olsen aftaná dystin.

Pætur Mikkjalsson sum skoraði tvey mál fyri H71 í kvøld staðfesti, at tað er altíð súrt at tapa, serliga tá ein fer út á bygd at spæla. Men hann lovar, at H71 fer at reisa seg leygarkvøldið við einum sigri á KÍF í høllini í Kollafirði.

Sjúrður H. Hoydal sigur beinleiðis frá dystinum millum KÍF og H71 á FM1. 

Á ljóðfíluni omanfyri ber til at hoyra samrøðurnar Sjúrður H. Hoydal, reportari hjá FM1 gjørdi við Hjalmar Klein Olsen og Pætur Mikkjalsson. Fremst hoyrist Sjúrður siga frá allarseinastu løtuni av dystinum.