Tey eru von við hita í arabiska landinum Kuvait, men í hesum døgum er hitin óvanliga høgur.
Hitabylgja hevur við sær, at hitin í eitt nú Kuvait býi er hitin farin upp um 50 stig. Í gjár vórðu máld 50,8 hitastig í býnum.
Tað kølnaði nakað í nátt, men lægsti hitin, sum varð máldur seinastu nátt, var 37 hitastig.
Hægst máldi hiti á jørðini nakrantíð varð máldur í sonevnda Death Valley í Kalifornia í 1913. Tá vórðu máld 56,7 hitastig.
Hægsti hiti í Europa nakrantíð, varð máldur í Murcia í Spania í 1994. Tá vórðu máld 47,2 hitastig.
