Hoyvík: Í farna mánaði fekk samkoman myndugleika at skipa fyri brúðarvígslum. Hesin myndugleikin varð givin teimum úr danska kirkjumálaráðnum, og er tað ein av elstunum í samkomuni, Hendrik Olsen, sum hevur fingið hesa heimildina.
Sagt varð samstundis frá ymiskum reglum, fyriskipanum og skyldum, sum samkoman hevur mótvegis teimum, sum ætla at lata seg víga her, m.a. at minst annar parturin skal hoyra til Oasuna.
