Um stutta tíð verður koyrandi um Blómubrekku frá Sundsvegnum yvir á Villingardalsvegin í Havn.
Líka síðani Villingardalsvegurin og Sundsvegurin í Havn vórðu bundir saman umvegis vegin Undir Brúnni fyri eini 30 árum síðani hevur tað verið einasta farleið ímillum hesa vegir. Nakað av ferðslu er eftir Vegnum Langa í Hoyvík og Óluvugøtu, sum fer niðan um vegin Undir Brúnni og oman eftir Villingardalsvegnum. Hendan ferðslan kann í framtíðini fara úr rundkoyringini við Blómubrekku og beina leið yvir á Villingardalsvegin.
Um næstum fer Fjarhitafelagið at leggja rørleiðing av Berjabrekku og yvir í Villingardalsvegin. Tá verður vegurin samstundis gjørdu og bundin í Villingardalsvegin.
Fjarhitafelagið fer at grava rørleiðing í vestaru síðu á Villingardalsvegnum, og er tað leiðingin, sum skal oman í Gundadal, til Tórsvøl, Svimjihøllini, Høllina á Hálsi og BankNordik – og út í Marknagil til Glasir.
