Tað er ikki á hvørjum degi, at kubanska og amerikanska stjórnin rósa hvør aðrari, men tað hendir.
Í gjár rósti kubanska stjórnin stjórnini í Washington fyri at hava sent tólv kubanar aftur til Kuba. Tey tólv rændu ein bát og settu kós ímóti USA, har tey ætlaðu at fáa politiskt friðskjól. Men tað vildu amerikansku myndugleikarnir ikki geva teimum og gjørdu tvørturímóti av at senda kubanararnar heimaftur. Kubansku myndugleikarnir hava lovað, at tey tólv verða ikki dømd til deyða, tá tey koma aftur, men fyri rætin skulu tey. Har verða tey ætlandi ákærd fyri vápnað rán, og myndugleikarnir í Havanna hava sagt, at fólkini fáa í mesta lagi tíggju ára fongsul.
Á hvørjum ári flýggja nógvir kubanar í stórum og smáum bátum til USA, og hóast Kuba hevur mótmælt, hsava næstan allir kubanararnir fingið friðsdkjól í USA.
