KT
Tað vanligt at leggja sær ætlanir fyri sínar frídagar langt frammanundan, um mann hevur okkurt serligt ynski, eitt nú at vitja okkurt fjarskotið land. Tey, sum hava áhuga fyri KT-vinnu í Føroyum, kunnu longu nú merkja dagarnar 19. og 20. apríl 2002. Tí hesar dagarnar verður ein stór KT-stevna hildin í Norðurlandahúsinum.
Fyrireikararnir siga endamálið við stevnuni vera:
- At lýsa førleikararnar hjá føroyskari KT-vinnu í dag og hvussu vit kunnu skapa teir bestu karmarnar fyri einari burðardyggari KT-vinnu í framtíðini, siga fyrireikararnir.
Tað er KT-felagið, sum hevur tikið stig til KT-stevnuna. KT-felagið er eitt samtak av føroysum KT-fyritøkum. Tað verður Virkisráðgeving í Runavík, sum fer at samskipa stevnuna. Teir hava royndir við tílíkum arbeiði, og fyrireikararnir hava so valt at heita á teir, um at hjálpa teimum við hesari verkætlanini.
KT-stevnan er fyri føroyingum og føroyskum vinnulívið í Føroyum. Stevnan verður skipað soleiðis, at tann fyrri dagurin verður fyri vinnulívinum, og tann seinni dagurin verður opin fyri almenninginum.
Hóast fyrireikingarnar enn ikki eru komnar á mál, so kunnu fyrireikararnir longu nú siga, at tað verður ymiskt spennandi á skránni.
Tað vera so at siga einans føroyskar KT-fyritøkur sum vera við á hesari stevnuni, sum eisini ætlað føroyskari KT-vinnu. Eftir ætlan, vera tað eisini fyrilestrar á skránni, har Microsoft væntandi fer at senda eitt umboð. Eisini fara onnur ? bæði føroyingar og útlendingar ? at halda fyrilestrar.
KT-felagið sigur seg hava góðar vónir um, at hetta fer at gerast ein góð stevna. Teir kundu á tíðindifundi avdúka búmerki fyri stevnuna, og kundu samstundis alment greiða frá, hvussu henda stevnan fer at hátta seg.
-Vit fara at seta framtíðarvinnuna í fokus, og vit fara eisini at fokusera á førleika og menning. KT-vinnan er komin fyri at vera í Føroyum sigur Esbern Hansen, formaður fyri KT-felagið.
