VB-FS Vágar 5-1 (0-1)
Løgmanssteypið
Føroyameistararnir úr VB vunnu stóran sigur á FS Vágum, sunnudagin, men tá hálvur tími var eftir at spæla, vóru vágamenn á odda 1-0.
Smáskaddi Krzysztof Popczynski setti seg sjálvan á vøllin, og so fekk VB hol á beinanvegin.
Krzysztof javnaði til 1-1, og løtu seinni legði VB seg fram um við brotssparki, sum Krzysztof eisini tók sær av.
Robert Cieslewicz skoraði síðani til 3-1, áðrenn Krzysztof enn einaferð var á rætta staðnum og gjørdi tað til 4-1. Palli Augustinussen skoraði seinasta málið í dystinum til endaliga úrslitið 5-1 til VB.
Nýggjar útlendingar
FS Vágar løgdu seg á odda í fyrra hálvleiki, tá nýggi útlendski spælarin hjá teimum, Vlad, teir rópa, sendi eitt fríspark beinleiðis í málið.
Vágamenn høvdu tríggjar nýggjar útlendskarar spælarar á liðnum, og teir eru ættaðir út Letlandi og Litava.
VB hevði sum dysturin leið greiða yvirvág í spælinum, og teir spældu til tíðir væl. Tað gekk tó strilti hjá teimum at fáa nakað mál, og ikki fyrr enn spælandi venjarin kom á vøllin, koma glið á við málskjótingina.
Dysturin í tølum
0-1: Vlad
1-1: Krzysztof Popczynski
2-1: Krzysztof Popczynski, br.
3-1: Robert Cieslwicz
4-1: Krzysztof Popczynski
5-1: Palli Augustinussen
