Brasil vann setanardystin móti Kroatia 3-1. Kroatia kom á odda tíðliga í fyrra hálvleiki, men so javnaði Neymar, áðrenn Brasil í seinna hálvleiki fekk brotsspark, sum Neymar skoraði upp á. Oscar staðfesti sigurin stutt fyri tíð.
Les eisini: Bíligt brotsspark bjargaði Brasil
Mest umtalaða støðan í dystinum er í seinna hálvleiki, tá stóri og sterki framherjin hjá Brasil, Fred, fer umkoll í brotsteiginum hjá Kroatia.
Les eisini: Brasil; HM favorittar við veikleikum
Sjónvarpsmyndirnar vísa, at talan ikki er um brotsspark, men heldur um at framherjin yvirspælir hendingina. Yuichi Nishimura, japanski dómarin, er tó ikki í iva og peikaði á brotssparksblettin. Neymar tekur brotssparkið og skorar, men tað er ikki sannførandi, tí málverjin fær hondina á og skuldi helst havt tikið skotið.
Les eisini: Hvør vinnur HM? (Tín meining)
So er spurningurin, um tú heldur at talan var um brotsspark?
