»Fram um hinar framførarnar hetta kvøldið so hevði Kristleif eitt ríkt tekstunivers. Sorgblíðu tekstirnir hjá Kristleif dansaðu ein vakran vals við lekkrum tónum við slidegittara, harmoniku, akkustiskum bassi og jazzutum trummum.«
? Sosialurin eftir 4. umfar
Kristleif Zachariasen kom fram sum solistur ? singer/songwriter, tey kalla ? í kappingini, sum Hafnia Lounge skipaði fyri. Hann vann hesa tónleikakapping, og síðani hevur hann bæði spælt nógv til tiltøk og givið fløgu út.
Hesaferð fer hann at spæla saman við einum bólki, sum hann hevur spælt við í eina tíð. Talan er um tónleikarar, sum eru kendir frá nógvum øðrum samanhangum og hava drúgvar royndir.
Samstarvið teirra millum byrjaði við útgávuni hjá Kristleif, Litleysir Blettir, og tað heldur síðani hildið fram. Nú fara teir eisini at royna seg í Prixnum.
Tað er Kristleif Zachariasen, sum skrivar sangirnar hjá bólkinum, og tónleikurin er ein blanding av poppi, fólkatónleiki og country.
Kristleif Zachariassen kom víðari frá 4. umfari, tá ið Terji Rasmussen Band eisini kom víðari.
