Seinastu árini hevur ikki verið so nógv at hoyrt til Kristleif Zachariasen. Kristleif, sum er 32 ára gamal og úr Kollafirði, hevur givið tvær fløgur út. Í 2004 var tað ”Litleysir blettir” og í 2006 ”On The Road”. Kristleif kom annars av álvara fram, tá ið hann var singer/songwriter tónleikakappingina í 2004.
Kristleif hevur nú innspælt nýggjan sang, sum hann hevur skrivað saman við vinmonnunum Tórir Mikkelsen og Jónsvein Sverrason Joensen.
Sangurin kallast ”Hvønn dag2 og er upptikin í studio hjá Finni Hansen, sum eisini hevur framleitt sangin. Tey, sum spæla saman við Kristleif á nýggja sanginum, eru Agnar Lamhauge, Rógvi á Rógvu, Ragnar Finsson, Tóra Restorff Jacobsen og Finnur Hansen.
