- Tað er landaskomm, at almennu pensjónirnar eru vorðnar so lágar, at ikki ber til at liva av teimum.
Tað staðfestir Landsfelag Pensjónista í eini yvirlýsing á Eldradegnum, sum hevur verið í Badmintonhøllini í Klaksvík í dag.
Har vóru einir 350 pensjónistar samankomnir at halda Eldradag og teir staðfesta, at øll skulu liva og ikki bert ana.
Tí krevja tey, at politikararnir skipa soleiðis fyri, at allir pensjónistar fáa sømulig livikor.
- Vit krevja, at tey ið hava minst at liva fyri, fáa í minsta lagi 1.000 krónur afturat um mánaðan, siga tey í Landsfelag Pensjónista.
