Síðani málið um tær sjúkrameldaðu ljósmøðurnar í gjár endaði í Fasta gerðarættinum í gjár, hava ljósmøðurnar verið á fundi við sjúkrahúsleiðsluna og lønardeildina á Fíggjarmálaráðnum.
Sum skilst hava partarnir roynt at funnið eina semju í málinum, tó uttan at hetta hevur eydnast. Tað var mánamorgun, at tað gjørdist greitt á in.fo, at 40% av ljósmøðrunum á LSH eru sjúkrameldaðar fyri strongd og líknandi.
Hetta góðtaka leiðslan á LSH og lønardeildin tó ikki. Mett verður, at talan er um avtala spæl - ella í øllum førum er tað spurningurin, sum dómararnir í Fasta Gerðarættinum nú skulu taka støðu til.
Tí tað er um middagsleitið í morgin, at dómararnir koma til ein úrskurð í málinum. Tað er sostatt í morgin, at ljósmøðurnar fáa at vita, um teirra sjúkramelding verður góðtikin sum verulig, ella um tær verða dømdar til arbeiðis aftur.
In.fo fylgir málinum.
