Seint seinnapartin í dag hendi eitt ferðsluóhapp á landsvegnum við Hálsavøtnini millum Skopun og Sand.
Tað var ein bilur, sum var á veg úr Skopun, sum rendi upp í eina vegtrumlu, ið koyrdi spakuliga eftir vegnum.
Løgreglan sigur, at eingin fólkaskaði hendi, men báðir førararnir gjørdust sjálvsagt rættiliga skakkir av tilburðinum.
Eftir ferðsluóhappið fór sløkkiliðsbilurin hjá Sands kommunu norður á leiðina at spula olju og annað burtur, sum var komið á vegin.
