Sum heild hevur tað verið rættiliga friðarligt um vikuskiftið, men kortini hava nøkur mál verið, har løgreglan mátti upp í
Í Suðuroy fóru tveir mans at berjast við eitt skeinkistað og annar av teimum fekk nakrar snuddir. Løgreglan hevur skuldsett báðar menninar fyri brot á politiviðtøkurnar og tað fáa teir bót fyri.
Í einum yvirliti stendur, at bótin fyri at berjast, er 800 krónur, men bardagi við skaða kostar 1.500 krónur í bót.
Sunnumorgunin fóru tveir mans eisini til hendurs í einum skeinkistaði í Havn. Har fekk annars maðurin so mikið av skaða, at hann mátti á skaðastovuna til viðgerar. Í hesum føri hevur løgreglan reist eitt mál um harðskap, sum tey nú fara at kanna nætti.
Annars hevði løgreglan eitt ferðslu-átak tíðliga leygarmorgunin, har 30 bilar vórðu steðgaðir í Kollafjarðardali, um framt at bilar eisini vórðu steðgaðir aðrastaðni. Úrslitið av tí er, at tríggir bilførarar vórðu skuldsettir fyri at koyra við kenning, tveir í Havn og ein í Vágum.
Somuleiðis hava trý fólk fingið bót fyri ólátaðan atburð í náttarlívinum í Havn. Tvey av teimum vóru útlendingur, og í tí eina førinum gekk eitt sindur strilti at fáa greiði á, hvør viðkomandi varð, so hann varð tikin á løgreglustøðina at bíða til tað var runnið av honum aftur.
