Koronusmittan er leys og tað hevur rakt Argja Bóltfelag. AB boðar frá, at fimm av teirra spælarum, sum spæla á besta og næstbesta liðnum, hava fingið staðfest smittuna.
Tí verða ongir dystir hjá besta-, næstbesta- og U21-liðnum hetta vikuskiftið. Á Argjum vóna tey, at smittan nú ikki speiðir seg meir.
AB skrivar:
Koronusmitta er staðfest hjá fimm spælarum, sum vandu við ávikavist næstbesta- og besta mansliðnum mánadagin.
Av hesi orsøk eru nógvir av okkara spælarum í sóttarhaldi, og tískil eru dystirnir hjá okkara mansliðum, sum skuldu spælast í vikuskiftinum, útsettir.
Hesir dystirnir eru útsettir:
12. juni, 1. deild menn: HB-AB
12. juni, 2. deild menn: AB-ÍF
13. juni, U21-steypakapping: FC Hoyvík-AB
Vit vóna, at smittan ikki spreiðir seg enn meira, og at okkara menn kunnu koma í gongd aftur við at venja og spæla dystir sum skjótast.
