Nú kann lívið aftur livast í Føroyum, sum vit livdu áðrenn korona – næstan.
Tað er boðskapurin frá løgmanni í morgun, tá ið hann greiddi frá, hvussu enn meiri ferð verður sett á føroyska samfelagið.
Hann sigur, at í roynd og veru er tað í fáum londum, at vit kunnu liva so frælst, sum vit gera í Føroyum.
Og nú eru tað bara tríggjar avmarkingar, sum eru eftir. Skeinkistøð skulu framvegis lata aftur klokkan 22, festivalar skulu ikki vera í mai ella í juni og tey, sum koma til Føroya, skulu í sóttarhald í tvær vikur.
– Á einum festivali er smittuvandin stórur, og fer eitt fólk á festival við smittuni, er skjótt at missa tamarhaldið, tí tað er vónleyst at vita, hvønn viðkomandi hevur verið í samband við, sigur løgmaður.
Tað merkir, at nú verður enn meiri latið upp, soleiðis, at allir skúlanæmingar fara aftur í skúla í næstum.
Samstundis verður nú mælt til, at vit skulu vera minst ein metur frá hvørjum øðrum, har vit higartil hava skula verið tveir metrar frá hvørjum øðrum. Men har fólk í vandabólki eru, skulu vit framvegis vera tveir metrar frá hvørjum øðrum.
Nú kunnu fótbóltsdystirm kappróður, og annar ítróttur, haldast við áskoðarum, tí í samráð við koronaráðgevingina.