Kongressbygningurin í Washington er stongdur vegna »uttanhýsis trygdarhóttan«, skrivar tíðindastovan Reuters.
Eingin sleppur inn ella út úr bygninginum, upplýsa eygnavitni á staðnum.
Tað er enn ikki upplýst, hvør trygdarhóttanin er.
Løgreglan í Kongressini hevur sent boð út til ymsar partar av Kongressini, sigur Sky News.
– Vegna uttanhýsis trygdarhóttan undir brúnni á l-295 við gøturnar Fist og F Street SE er inngongd og útgongd ikki loyvd í løtuni, eru boðini.
– Tit kunnu ferðast runt í bygninginum, men haldið tykkum frá hurðum og vindeygum. Um tit eru út, so søkið tykkum lívd.
Luttakararnir í aðalroyndini fyri innsetanina av Joe Biden eru evukauerað av staðnum, skrviar tíðindastovan AP.
##med2##
Biden skal eftir ætlan takast í eið sum forseti mikudagin.
Trygdaralarmurin við Kongressina kemur 12 dagar eftir, at viðhaldsfólk hjá Donald Trump forseta trokaðu seg inn í bygningin 6. januar.
Tað var Kongressin undir leiðslu av Mike Pence, varaforseta, í ferð við at góðkenna valið av Biden.
Nógv Trump-viðhaldsfólk trúgva uppáhaldinum hjá Trump um, at valið var »stolið« frá honum, og at Biden hevur snýtt seg til valsigurin.
Onkur av illgerðarfólkunum, sum trokaðu seg inn í Kongressina fyri 12 døgum síðani róptu »heingið Mike Pence« og ákærdu hann at vera landasvíkjara.
/ritzau/
