Rio Ferdinand, fyrrverandi Manchester United- og enskur landsliðsleikari, hevur í dag sent eitt syrgiligt tíðindaskriv út.
Kona 36 ára gamla Ferdinand, ið var eitt ár yngri enn Ferdinand sjálvur, hevur latið lív í nátt vegna bróstkrabba. Hetta skrivar Ferdinand sjálvur í tíðindaskrivinum, sum núverandi felagið hjá Ferdinand, Queens Park Rangers, hevur almannakunngjørt á teirra heimasíðu. Tíðindaskrivið kann lesast her: http://www.qpr.co.uk/news/article/rio-ferdinand-wife-rebecca-ferdinand-2435616.aspx
Sum áður nevnt, so leikti Rio Ferdinand í nógv ár við bæði Manchester United og enska landsliðnum. Í fjørsummar skifti hann til Queens Park Rangers, sum í løtuni er undir niðurflytingarstrikuni í Premier League. Rio Ferdinand hevur higartil leikt 11 dystir fyri felagið.
